دق الدلجة ::
(ﻛﻠﻨﺎ ﺑﻜﺮﻱ ﺍﻟﻤﺪﻳﻨﺔ ) ﻫﻲ ﻋﺮﻓﺖ ﻣﻦ ﻣﺘﻴﻦ؟
• ﺍﻟﻤﺮﻳﺨﺎﺏ ﺍﻻﻳﺎﻡ ﺩﻱ ﻳﻀﺒﺤﻮﺍ ﻭﻳﺴﻤﻮﺍ .
• ﺧﺮﻓﺎﻧﻬﻢ ﺑﺮﺓ .
• ﻗﺎﻟﻮﺍ ﻟﻴﻚ ﻓﻲ ﺍﻟﻌﺮﺿﺔ ﺟﻨﻮﺏ ﺍﻟﻮﺍﺣﺪ ﻟﻮ ﺍﺷﺘﺮﻯ ﻟﻴﻪ ( ﻛﺒﺮﻳﺖ )
ﺑﻴﺪﻭﻩ ﻣﻊ
ﺍﻟﻜﺒﺮﻳﺖ ( ﺟﻠﺪ ﺧﺮﻭﻑ ) ﻫﺪﻳﺔ.
• ﺍﻟﺠﻠﻮﺩ ﻛﺘﺮﺕ – (ﺍﻋﻤﻞ ﻟﻴﻜﻢ ﺷﻨﻮ ﺍﻧﺎ؟ ).
• ﺑﻠﺔ ﺟﺎﺑﺮ ﻧﻐﻤﺔ ﻣﻮﺑﺎﻳﻠﻮ ( ﺑﺎﻉ ) .
• ﺗﻔﺘﻜﺮﻭﺍ ﺡ ﺍﺗﺠﺎﻭﺯ ﻟﻴﻜﻢ ﻣﻮﺿﻮﻉ ( ﺍﻟﺨﺮﻓﺎﻥ ) ﺩﺍ ﺑﺎﻟﺴﺎﻫﻞ ﻛﺪﺍ .
• ﺍﻗﻞ ﻛﻮﺭﺓ ﺑﻴﻀﺒﺤﻮﺍ ﻓﻴﻬﺎ (12 ) ﺧﺮﻭﻑ.
• ﺍﻋﻤﻠﻮﺍ ﻟﻴﻜﻢ ﻛﺸﻒ ﻣﻊ ﺧﺮﻓﺎﻧﻜﻢ ﺍﻟﻜﺘﻴﺮﺓ ﺩﻱ .
• ﺟﻴﺒﻮﺍ ﻟﻴﻜﻢ ﻛﺮﺍﺱ .
• ﺍﻟﺠﻤﺎﻋﺔ ﺍﺗﻮﻫﻤﻮﺍ ..ﻭﺑﻘﻮﺍ ﺑﺘﺎﻋﻴﻦ ( ﺧُﺮﺍﻓﺎﺕ ).
• ﺍﺻﻠﻮ ﺍﻟﺨﺮﻓﺎﻥ ﻭﺍﻟﺨﺮﺍﻓﺎﺕ ﻣﺎ ﺑﻌﻴﺪﺓ ﻣﻦ ﺑﻌﺾ ﺣﺘﻰ ﻓﻲ ﺍﻟﻜﺘﺎﺑﺔ .
• ﺿﺒﺤﻮﺍ ﻟﻴﻬﻢ (9 ) ﺧﺮﻓﺎﻥ ﻭﻛﺘﺒﻮﺍ ﻟﻴﻚ (ﻛﻠﻨﺎ ﻋﻠﻲ ﺟﻌﻔﺮ ) .. ﻋﻠﻲ
ﺟﻌﻔﺮ ﺍﻟﻤﺴﻜﻴﻦ
ﺑﻘﻰ ﻳﺸﻴﻞ ﻭﻳﺮﻣﻲ ﻓﻲ ﺍﻟﺸﺒﻜﺔ .
• ﺍﻗﻞ ﻏﻠﻄﺔ ﺑﻲ ﻗﻮﻥ.
• ﻓﻲ ﺷﻨﺪﻱ ﻋﻠﻲ ﺟﻌﻔﺮ ﻋﻤﻞ ﻟﻴﻪ ( ﻏﻠﻄﺔ ) ﻟﻮ ﻋﻤﻠﻬﺎ ﻓﻲ ﺍﻟﺠﻴﺶ
ﺑﻴﻌﺪﻣﻮﻩ .
• ﻛﻮﺭﺓ ﺍﺭﺿﻴﺔ .. ﻧﺰﻝ ﻟﻴﻬﺎ ﻓﻲ ﺍﻻﺭﺽ ﻋﺸﺎﻥ ﻳﺮﻓﻌﻬﺎ .
• ﻟﻮ ﻗﺎﻟﻮﺍ ﻟﻴﻪ ﺍﺭﻓﻌﻬﺎ ﻣﺎ ﺑﻘﺪﺭ .
• ﻏﺎﻳﺘﻮ ﺍﻟﺰﻭﻝ ﺩﺍ ﻋﻨﺪﻭ ( ﺻﺪﻓﺔ ) ﺍﺧﻄﺮ ﻣﻦ (ﺍﻟﻘﺼﺪ ) .
• ﺍﻟﻤﻌﺰ ﻣﺤﺠﻮﺏ (ﺍﺗﺨﻠﻊ ) …ﺍﻟﻜﻮﺭﺓ ﻛﺎﻧﺖ ﻓﻲ ( ﺍﻟﻮﺍﻃﺔ ) ﻟﻘﺎﻫﺎ ﻓﻲ
ﺍﻟﺴﻤﺎﺀ .. ﻣﺎ
ﻋﺮﻑ ﻳﺘﺼﺮﻑ ﻣﻌﺎﻫﺎ ﻛﻴﻒ؟.
• ﻋﻤﺎﺭﻳﻪ ﺟﺎﺑﻬﺎ ﻗﻮﻥ .
• ﻛﻤﺎﻥ ﻋﻤﺎﺭﻳﻪ ﺑﺘﻠﻔﺖ.
• ﺍﻣﺲ ﺟﺎﺑﻮﺍ ﻟﻴﻚ ﻋﻠﻲ ﺟﻌﻔﺮ ﻗﺎﻋﺪ ﻓﻲ ( ﺍﻟﻜﻨﺒﺔ ) ﺗﻘﻮﻝ ﻋﺎﻭﺯ
ﻳﻘﻠﻊ ﻟﻴﻪ ﺿﺮﺱ .
• ﺯﻱ ﺍﻟﺰﻭﻝ ﺍﻟﻤﻨﺘﻈﺮ ﻧﻤﺮﺗﻮ ﻓﻲ ﻋﻴﺎﺩﺓ ﻃﺒﻴﺐ ﺍﻻﺳﻨﺎﻥ .
• ﺍﻧﺖ ﻗﺎﻳﻞ ﻳﺎ ﻋﻠﻲ ﺟﻌﻔﺮ ﻟﻮ ﻗﻌﺪﺕ ﻓﻲ ( ﺍﻟﻜﻨﺒﺔ ) ﺑﺘﻤﺮﻕ ﻣﻨﻨﺎ.
• ﻳﻤﻴﻦ ﻣﻌﺎﻙ ﻟﻠﻤﻘﺼﻮﺭﺓ.
• ﻭﻗﺖ ﺟﺎﺑﻮﺍ ﻟﻴﻚ ﻋﻠﻲ ﺟﻌﻔﺮ ﻓﻲ ﻣﺒﺎﺭﺍﺓ ﺍﻻﻣﺲ ﻗﺎﻋﺪ ﻓﻲ ﺍﻟﻜﻨﺒﺔ
…ﺍﺗﺬﻛﺮﺕ ﺻﻒ
ﺍﻟﻘﻌّﺎﺩ ﻓﻲ ﺻﺎﻟﻮﻥ ﺍﻟﺤﻼﻗﺔ .
• ﺗﻘﻮﻝ ﻣﻨﺘﻈﺮ ﺩﻭﺭﻭ ﻓﻲ ﺍﻟﺤﻼﻗﺔ.
• ﺻﺎﺣﺒﻜﻢ ﻗﺎﻋﺪ ..ﺯﻱ ﺍﻟﺘﻘﻮﻝ ﻣﺎ ﻋﻤﻞ ﻟﻴﻪ ﺍﻱ ﺣﺎﺟﺔ ﻓﻲ ﺷﻨﺪﻱ.
• ﻛﺄﻧﻮ ﻣﺎ ﻛﺎﻥ ﺳﺒﺐ ﻟﻬﺬﻩ ( ﺍﻟﺨﺮﻓﺎﻥ ) ﺍﻟﺘﻰ ﺿﺒﺤﺖ ﻓﻲ ﺍﺳﺘﺎﺩ
ﺍﻟﻤﺮﻳﺦ ﺑﻌﺪ ﺧﺴﺎﺭﺓ
ﺍﻟﻤﺮﻳﺦ ﻣﻦ ﻋﺰﺍﻡ ﻓﻲ ﻣﺒﺎﺭﺍﺓ ﺍﻟﺬﻫﺎﺏ.
• ﻫﺴﻊ ﺍﻟﻤﺮﻳﺨﺎﺏ ﻗﺒّﻠﻮﺍ ﻟﻴﻚ ﻋﻠﻲ ﺑﻜﺮﻱ ﺍﻟﻤﺪﻳﻨﺔ – (ﺑﻘﻮﺍ ﻳﻀﺒﺤﻮﺍ
ﻭﻋﻠﻴﻪ ﻳﺴﻤﻮﺍ ) .
• ﺿﺒﺤﻮﺍ ﻟﻴﻚ (21 ) ﺧﺮﻭﻑ – ﻭﻛﺘﺒﻮﺍ ﻓﻲ ﻻﻓﺘﺎﺗﻬﻢ ( ﻛﻠﻨﺎ ﺑﻜﺮﻱ
ﺍﻟﻤﺪﻳﻨﺔ ) .
• ﻛﻠﻨﺎ ﻣﺤﻤﺪ ﻋﻠﻲ ﻛﻼﻱ.
• ﻛﻠﻨﺎ ﺗﺎﻳﺴﻮﻥ.
• ﻛﻠﻨﺎ ﺑﻜﺮﻱ ﺍﻟﻤﺪﻳﻨﺔ ﻫﻲ ﻋﺮﻓﺖ ﻣﻦ ﻣﺘﻴﻦ؟.
• ﻓﻴﺼﻞ ﺍﻟﻌﺠﺐ – ﻋﻤﻞ ﻟﻴﻬﻢ ﺍﻱ ﺣﺎﺟﺔ ﺑﻠﻌﺐ ﻣﻌﺎﻫﻢ 16 ﺳﻨﺔ
ﺑﻲ ﺍﺧﻼﻕ ﻭﺍﺑﺪﺍﻉ .. ﻣﺎ
ﻗﺎﻟﻮﺍ ﻟﻴﻪ (ﻛﻠﻨﺎ ﻓﻴﺼﻞ ﺍﻟﻌﺠﺐ ) .
• ﺍﻟﻌﺠﺐ ﻗﺎﻟﻮﺍ ﻟﻴﻪ ﺍﻛﺘﺐ ﺧﻄﺎﺏ ﺍﻋﺘﺰﺍﻟﻚ ..ﻭﺑﻜﺮﻱ ﻗﺎﻟﻮﺍ ﻟﻴﻪ (ﻛﻠﻨﺎ
ﺑﻜﺮﻱ ﺍﻟﻤﺪﻳﻨﺔ ).
• ﻓﻌﻼ (ﻛﻠﻜﻢ ﺑﻜﺮﻱ ﺍﻟﻤﺪﻳﻨﺔ ) …ﺑﻜﺮﻱ ﺍﻟﻤﺪﻳﻨﺔ ﺷﻐﺎﻝ ﺿﺮﺏ
ﺑﺎﻟﺒﻮﻧﻴﺔ .. ﻭﺍﻧﺘﻮﺍ ﺷﻐﺎﻟﻴﻦ ﺷﻐﺐ .
• ﺑﺘﺸﺠﻌﻮﺍ ﺳﻮﺀ ﺍﻟﺴﻠﻮﻙ؟.
• ﻣﺮﺓ ﻳﻄﻠﻌﻮﺍ ﺍﻟﺸﺮﻃﺔ ﺑﺮﺓ ﺍﻟﻤﻠﻌﺐ .
• ﻭﻣﺮﺓ ﻳﻘﻮﻟﻮﺍ ﺩﺍ ﻣﺎ ﺟﻤﻬﻮﺭ ﺍﻟﻤﺮﻳﺦ ﺩﺍ ﺟﻤﻬﻮﺭ ﺳﻴﻜﺎﻓﺎ.
• ﺍﻭﻝ ﻣﺮﺓ ﻧﻌﺮﻑ ﺍﻥ (ﺟﻤﻬﻮﺭ ﺳﻴﻜﺎﻓﺎ ) ﺩﺍ ﻣﻮﺍﻟﻴﺪ ﺣﻲ ﺍﻟﺸﻬﺪﺍﺀ.
• ﻃﺒﻌﺎ ﺟﻤﺎﻝ ﺍﻟﻮﺍﻟﻲ ﺩﺍ ﻣﺎ ﺑﻌﻴﺪ ﻋﻠﻴﻪ .
• ﻣﻤﻜﻦ ﻳﺠﻴﺐ (ﺟﻤﻬﻮﺭ ﺳﻴﻜﺎﻓﺎ ) ﻛﻠﻮ ﻭﻳﺠﻨﺴﻮ.
• ﺍﻟﺠﻨﺴﻴﺔ ﻋﻨﺪﻭ ﺍﺳﻬﻞ ﻣﻦ ( ﺍﻻﺳﻜﺮﺍﺗﺶ ).
• ﺣﺎﺟﺔ ﺑﺘﻄﻠﻊ ﻓﻲ ﻟﻤﺤﺔ .
• ﻧﺤﻦ ﻋﻨﺪﻧﺎ ( ﺟﺪﻧﺎ ) ﻋﻤﺮﻭ (87 ) ﺳﻨﺔ .. ﻻﻓﻴﻦ ﺑﻴﻪ ﻣﻦ ﻣﺪﻳﻨﺔ
ﻟﻲ ﻣﺪﻳﻨﺔ ﻣﺎ ﻋﺮﻓﻨﺎ ﻧﺠﻨﺴﻮ.
• ﺟﺪﻧﺎ ﻣﺸﻠﺦ … ﺣﺎﻓﻆ ﻟﻴﻚ ﻣﻌﺎﺭﻙ ﺍﻟﻤﻬﺪﻳﺔ ﺩﻱ ﻣﻌﺮﻛﺔ –
ﻣﻌﺮﻛﺔ .
• ﺯﻗﺎﻕ – ﺯﻗﺎﻕ.
• ﻳﺴﻤﻊ ﻟﻴﻚ ﺍﻟﻤﻌﺎﺭﻙ ﺯﻱ ﺍﻟﻘﺼﺎﻳﺪ.
• ﺳﻮﺩﺍﻧﻲ ﻟﻤﻦ ﺑﻲ ﻏﺎﺩﻱ.
• ﻟﻮ ﻣﺎ ﺟﺒﺖ ﻟﻴﻪ ﻣﻼﺡ ( ﺍﻟﻮﻳﻜﺔ ) ﻓﻲ ﺍﻟﻔﻄﻮﺭ ﻣﺎ ﺑﻔﻄﺮ .
• ﻏﺪﺍﻫﻮ ﻋﺼﻴﺪﺓ ﺣﺎﺭﺓ.
• ﻋﺸﺎﻩ ﻓﻄﻴﺮ ﺑﻲ ﻟﺒﻦ.
• ﻧﻤﺸﻲ ﺑﻴﻪ ﻣﺮﻛﺰ .. ﻣﺮﻛﺰ ﻳﻘﻮﻟﻮﺍ ﻟﻴﻨﺎ ﺟﻴﺒﻮﺍ ﺷﻬﺎﺩﺓ ﺍﻟﺴﻜﻦ .
• ﻧﺠﻴﺐ ﺷﻬﺎﺩﺓ ﺍﻟﺴﻜﻦ ﻳﻘﻮﻟﻮﺍ ﻟﻴﻨﺎ ﺟﻴﺒﻮﺍ ﺟﻨﺴﻴﺔ ﺍﺧﻮﻩ.
• ﻧﺠﻴﺐ ﺟﻨﺴﻴﺔ ﺍﺧﻮﻩ ﻳﻘﻮﻟﻮﺍ ﻟﻴﻨﺎ ﺻﻮﺭﻩ ( 4 ) ﺻﻮﺭ .
• ﻧﺼﻮﺭﻭﺍ ﺍﺭﺑﻊ ﺻﻮﺭ .. ﻳﻘﻮﻟﻮﺍ ﻟﻴﻨﺎ ﺍﻟﻀﺎﺑﻂ ﺍﻟﻠﻴﻠﺔ ﻣﺎ ﺟﺎﺀ .
• ﺍﻟﻀﺎﺑﻂ ﻳﺠﻲ .. ( ﺟﺪﻧﺎ ) ﻳﻔﻮﺕ.
• ﺟﺪﻧﺎ ﻟﻤﻦ ﻣﺎﺕ ﻣﺎ ﺍﺗﺤﺼﻞ ﻋﻠﻰ ﺍﻟﺠﻨﺴﻴﺔ ﺍﻟﺴﻮﺩﺍﻧﻴﺔ.
• ﺭﺍﺡ ﺳﺎﻛﺖ .
• ﻻ ﺟﻨﺴﻴﺔ ﻭﻻ ﺭﻗﻢ ﻭﻃﻨﻲ.
• ﻧﺎﺱ ﺍﻟﻨﻮﻧﻮ ﻭﺍﻟﺤﻀﺮﻱ ﻭﺳﺎﻟﻤﻮﻥ ﻭﺟﻤﺎﻝ ﺳﺎﻟﻢ ﻳﺠﻨﺴﻮﻫﻢ ﻟﻴﻚ
ﻓﻲ ( ﻣﺤﻞ ﻣﺮﻃﺒﺎﺕ ) .. ﺍﺳﻬﻞ ﺣﺎﺟﺔ .
• ﻋﻠﻰ ﺍﻟﻌﻤﻮﻡ ﻧﺤﻦ ﺍﻭﻝ ﻣﺮﺓ ﻧﺸﻮﻑ ﻟﻴﻨﺎ ﺟﻤﻬﻮﺭ ﺑﺪﻋﻢ ( ﺳﻮﺀ
ﺍﻟﺴﻠﻮﻙ ).
• ﻗﺎﻟﻮﺍ (ﻛﻠﻨﺎ ﺑﻜﺮﻱ ﺍﻟﻤﺪﻳﻨﺔ ) .. ﻳﻌﻨﻲ ﺍﻟﻤﺒﺎﺭﺍﺓ ﻛﻠﻬﺎ (ﻏﺎﻣﺪﻳﻦ )
ﺍﻳﺪﻳﻬﻢ.
• ﺷﻐﺎﻟﻴﻦ ﺿﺮﺏ.
• ﻋﺸﺎﻥ ﻛﺪﺍ ﺍﻣﺲ ﺍﻟﺤﻜﺎﻡ ﺍﻟﻤﺒﺎﺭﺍﺓ ﻛﻠﻬﺎ ﻳﺮﺟﻔﻮﺍ .
• ﺟﻤﺎﻋﺔ ﻗﺎﻟﻮﺍ ﻟﻴﻬﻢ (ﻛﻠﻨﺎ ﺑﻜﺮﻱ ﺍﻟﻤﺪﻳﻨﺔ ) ﺗﻔﺘﻜﺮﻭﺍ ﺡ ﻳﺤﻜﻤﻮﺍ
ﻛﻴﻒ؟ .
• ﺭﺍﺟﻴﻦ ﻣﻨﻬﻢ ﺷﻨﻮ؟.
• ﺟﻤﺎﻋﺔ ﻃﻠﻌﻮﺍ (ﺍﻟﺸﺮﻃﺔ ) ﻭﺧﻠﻮﺍ ﺍﻻﺗﺤﺎﺩ ﻳﺴﺤﺐ ﻗﺮﺍﺭﻩ.
• ﻟﻴﻪ ﺣﻖ ﺍﻟﺤﻜﻢ ﺍﻣﺲ ﻳﺠﺎﻣﻞ ﺍﻟﻤﺮﻳﺦ ﺑﻬﺬﻩ ﺍﻟﺼﻮﺭﺓ …ﻃﺎﻗﻢ ﺗﺤﻜﻴﻢ
ﺍﻟﻤﺒﺎﺭﺍﺓ ﻣﺎ
ﻓﺎﺿﻞ ﻟﻴﻪ ﺇﻟّﺎ ﻓﻲ ﻛﻞ ﻫﺠﻤﺔ ﻟﻠﻤﺮﻳﺦ ﻳﻘﺪﻡ ﺷﻬﺎﺩﺓ ﺷﻜﺮ ﻭﺗﻘﺪﻳﺮ
ﻟﺒﻜﺮﻱ ﺍﻟﻤﺪﻳﻨﺔ .
• ﻭﺣﻜﻢ ﺍﻟﺨﻂ ﺍﻱ ﻫﺠﻤﺔ ﻟﻼﻣﻞ ﻳﺮﻓﻊ ﺭﺃﻳﺘﻮ … ﺻﺎﺣﺒﻜﻢ ﺷﺎﻑ ﻻﻓﺘﺔ
( ﻛﻠﻨﺎ ﺑﻜﺮﻱ
ﺍﻟﻤﺪﻳﻨﺔ ) ﻗﺎﻝ ﺗﻘﻮﻡ ﺗﺠﻴﻨﻲ ( ﺑﻮﻧﻴﺔ ) ﻃﺎﻳﺮﺓ .
• ﻳﺎ ﺯﻭﻝ ﺍﻋﻤﻞ ﺣﺴﺎﺑﻚ .
• ﺿﻔﺮ ﻋﻤﻞ ﻟﻴﻪ ﻣﺨﺎﻟﻔﺔ ﻣﻊ ﻣﻬﺎﺟﻢ ﺍﻻﻣﻞ ﻭﻫﻮ ﻓﻲ ﺣﺎﻟﺔ ﺍﻧﻔﺮﺍﺩ
ﻛﺎﻣﻞ ﻓﻲ ﺍﻟﺸﻮﻁ
ﺍﻻﻭﻝ .… ﺍﻟﺤﻜﻢ ﺍﺗﻈﺎﺭﻑ ﻭﻛﻤّﻞ ﺍﻟﺮﺷﺎﻗﺔ ﻛﻠﻬﺎ ..ﻭﻣﻨﺢ ( ﺿﻔﺮ ) ﻛﺮﺕ
ﺍﺻﻔﺮ .
• ﻛﺎﻥ ﺍﺣﺴﻦ ﺗﻤﻨﺢ ﺿﻔﺮ ( ﺷﻬﺎﺩﺓ ﺗﻘﺪﻳﺮ ) ﺑﺪﻝ ﺍﻟﻜﺮﺕ ﺍﻻﺻﻔﺮ ﺩﺍ .
• ﻧﻮﻉ ﺍﻟﻤﺨﺎﻟﻔﺔ ﺩﻱ .. ﺷﻮﻓﻮﺍ ﺳﻴﺤﺔ ﻳﻮﻡ ﺍﻟﺠﻤﻌﺔ ﺍﻟﻘﺎﺩﻣﺔ ..ﺡ
ﻳﺠﻴﻜﻢ ﻭﺭﺿﺎ ﻣﺼﻄﻔﻰ
ﺍﻟﺸﻴﺦ ﺡ ﻳﺮﺣﺐ ﺑﻴﻪ ﻓﻲ ﻓﻘﺮﺓ ( ﺍﻻﻣﺒﺮﺍﻃﻮﺭ ) .. ﻭﺍﻭﻝ ﻣﺎ ﺗﺠﻲ ﺣﺎﻟﺔ
(ﺿﻔﺮ ) ﺍﻟﺘﻰ
ﻳﺴﺘﺤﻖ ﻓﻴﻬﺎ ( ﺍﻟﻄﺮﺩ ) ﻣﻊ ﺍﻟﺘﺠﺮﻳﺪ ﻣﻦ ﺍﻟﺮﺗﺒﺔ ( ﺳﻴﺤﺔ ) ﺡ ﻳﻘﻮﻝ
ﺍﻟﺠﻬﺎﺯ ﺍﺗﻌﻄﻞ .
• ﺟﻬﺎﺯﻛﻢ ﺩﺍ ﻋﻨﺪﻭ (ﺭﻗﻢ ﺗﻠﻔﻮﻥ ) ﺟﻤﺎﻝ ﺍﻟﻮﺍﻟﻲ.
• ﻳﻜﻮﻥ ﻣﺨﺼﺺ ﻟﻴﻪ ﻧﻐﻤﺔ .
• ﻣﺎ ﺑﺘﻌﻄﻞ ﺇﻟّﺎ ﻓﻲ ﺍﻟﺤﺎﻻﺕ ﺍﻟﺰﻱ ﺩﻱ.
• ﻳﻘﻮﻡ ﺭﺿﺎ ﻣﺼﻄﻔﻰ ﺍﻟﺸﻴﺦ ﻳﺘﻌﺬﺭ ﻭﻳﺘﻌﺬﺭ ( ﻟﻤﻦ ﺗﺤﻦ
ﻋﻠﻴﻪ ) ..ﻭﻳﻘﻮﻝ ﺧﻼﺹ
ﺍﻻﺳﺒﻮﻉ ﺍﻟﻘﺎﺩﻡ ﺡ ﻧﺮﺟﻊ ﻟﻠﻤﺨﺎﻟﻔﺔ ﺩﻱ .
• ﺍﻧﺖ ﻳﺎ ﺭﺿﺎ ﻋﺎﻭﺯ ﺗﺮﺟﻊ ﻟﻴﻬﺎ ﺑﻲ (ﻓﻴﺰﺍ ) .
• ﺍﻟﺸﻲﺀ ﻭﻳﻦ؟ …ﻋﺸﺎﻥ ﺗﺮﺟﻊ ﻟﻴﻬﺎ ﺍﻻﺳﺒﻮﻉ ﺍﻟﻘﺎﺩﻡ .
• ﺗﻔﺘﻜﺮ ﺍﻧﺖ ﻟﻮ ﺭﺟﻌﺖ ..ﻧﺤﻦ ﺡ ﻧﻜﻮﻥ ﻓﺎﻳﻘﻴﻦ ﻟﻠﺤﺪ ﺩﺍ ..ﻭ ﺡ
ﻧﻨﺘﻈﺮﻙ .
• ﺳﻴﺤﺔ ﺗﺎﻧﻲ ﻳﺮﺟﻊ ﻟﻴﻨﺎ ﻭﻳﻘﻮﻝ : (ﻭﺍﻟﻠﻪ ﺍﻧﺎ ﻗﺎﻋﺪ ﻓﻲ ﺍﻟﻤﺒﺎﺭﺍﺓ
ﺩﻱ ﻣﻦ
ﺍﻟﺼﺒﺎﺡ ) ﺑﺲ ﺍﻟﺠﻬﺎﺯ ﺍﺗﻌﻄﻞ.
•خاص صفحة الهلال عشقي الأبدي
• ﻃﺒﻌﺎ ﻗﺎﻋﺪ ﻣﻦ ﺍﻟﺼﺒﺎﺡ ﺑﻤﺨﻤﺦ ﻓﻲ ( ﺍﻟﺘﺴﻠﻼﺕ ).
• ﻫﺪﻑ ﺍﻟﻬﻼﻝ ﺗﺴﻠﻞ.
• ﻓﻲ ﺿﺮﺑﺔ ﺟﺰﺍﺀ ﻋﻠﻰ ﺍﻟﻬﻼﻝ.
• ﺟﻤﺎﻋﺘﻜﻢ ﺩﻳﻞ ﺗﻘﻮﻝ ﻣﺎﺳﻜﻴﻦ ﻟﻴﻬﻢ ( ﺗﻠﻐﺮﺍﻑ ) … ﻛﻞ ﺟﻤﻌﺔ
ﻳﻈﻬﺮﻭﺍ ﻟﻴﻚ ﺍﻻﺗﻨﻴﻦ
ﻭﻳﻘﻮﻟﻮﺍ ﻟﻴﻚ ( ﺍﻟﺠﻬﺎﺯ ﺍﺗﻌﻄﻞ ) .
• ﺩﻱ ﻋﺎﻭﺯﺓ ﻟﻴﻬﺎ ﺟﻬﺎﺯ – ﺣﺎﻟﺔ (ﺿﻔﺮ ) ﺩﻱ ﻭﺍﺿﺤﺔ ﻳﺎ ﺳﻴﺤﺔ.
• ﻣﻔﺮﻭﺽ ﻳﻄﺮﺩﻭﺍ ﺿﻔﺮ ﻭﺍﻣﻴﺮ ﻛﻤﺎﻝ ﺑﺎﻟﺸﻔﻌﺔ .. ﻭﻋﻠﻲ ﺟﻌﻔﺮ
ﻳﻠﺤﻘﻮﻩ ﻓﻲ ﻛﻨﺒﺘﻮ
ﻭﻳﻤﻨﺤﻮﻩ (ﻛﺮﺕ ﺍﺣﻤﺮ ).
• ﻛﻤﺎﻥ ﻗﺎﻋﺪ ﻭﻻ ﻋﻠﻴﻪ .
• ﻋﻤﻠﺖ ﻟﻴﻨﺎ ﺍﺯﻣﺔ ﻓﻲ ﺍﻟﺜﺮﻭﺓ ﺍﻟﺤﻴﻮﺍﻧﻴﺔ .. ﺑﻌﺪ ﺍﻻﺯﻣﺔ ﺍﻟﻌﻤﻠﻮﺗﻬﺎ
ﻟﻴﻨﺎ ﻓﻲ
( ﺍﻟﻐﺎﺯ ) ﻓﻲ ﻣﺒﺎﺭﺍﺓ ﻣﺮﻳﺦ ﺍﻟﻔﺎﺷﺮ.
• ﻳﺎ ﺟﻤﺎﻋﺔ ﺍﻟﻨﺎﺱ ﻭﺻﻠﻮﺍ ﺍﻟﻘﻤﺮ .. ﺑﻴﺠﻴﻮﺍ ﺍﻟﺼﻮﺭﺓ ﻣﻦ
ﻋﻄﺎﺭﺩ .. ﺍﻧﺘﻮﺍ ﺍﻟﻠﻘﻄﺔ
ﻣﺎ ﻗﺎﺩﺭﻳﻦ ﺗﻌﻴﺪﻭﻫﺎ.
• ﺍﻧﺘﻮﺍ ﻳﺎ ﻧﺎﺱ ﺍﻟﺘﻠﻔﺰﻳﻮﻥ ﻗﺎﻋﺪﻳﻦ ﻳﺪﻓﻌﻮﻛﻢ (ﺭﺳﻮﻡ ) ﻓﻲ ﺍﻻﻋﺎﺩﺓ.
• ﺍﻻﻋﺎﺩﺓ ﻋﻨﺪﻛﻢ ﺍﺻﻌﺐ ﻣﻦ ﺍﻟﻘﻮﻥ .
• ﺍﻟﺸﻲﺀ ﺍﻟﻐﺮﻳﺒﺔ ﻭﻣﺎ ﻭﺍﻗﻌﺔ ﻟﻲ …ﺧﺮﻭﺝ ﺍﻟﻜﻼﻡ ﺍﻟﻤﺎﺷﻲ ﻟﻴﻜﻢ
ﻋﻠﻴﻪ ﺩﺍ ﻣﻦ
ﻣﺰﻣﻞ ﺍﺑﻮﺍﻟﻘﺎﺳﻢ.
• ﺍﺟﺰﻡ ﻣﺰﻣﻞ ﺍﺑﻮﺍﻟﻘﺎﺳﻢ ﻓﻲ ﺍﺫﺍﻋﺔ ( ﻫﻮﻯ ﺍﻟﺴﻮﺩﺍﻥ ) ﻋﻦ ﻭﺟﻮﺩ
ﺗﻨﺴﻴﻖ ﺑﻴﻦ ﺻﺤﻴﻔﺔ
ﻫﻼﻟﻴﺔ ﻭ ﺻﺤﺎﻓﻴﻴﻮﻥ ﻫﻼﻻﺏ ﻗﺒﻞ ﻳﻮﻣﻴﻦ ﻣﻦ ﺍﻳﻘﺎﻑ ﺍﻟﻼﻋﺐ ﺑﻜﺮﻱ
ﺍﻟﻤﺪﻳﻨﺔ ﻭﻗﺎﻝ
ﺍﻥ ﺍﻟﺼﺤﻴﻔﺔ ﻗﺎﻣﺖ ﺑﻨﺸﺮ ﺣﻴﺜﻴﺎﺕ ﺍﻻﻳﻘﺎﻑ ﻭ ﺗﻘﺮﻳﺮ ﺍﻟﺤﻜﻢ ﻭﺍﻟﺬﻱ ﻳﻌﺪ
ﺗﺠﺎﻭﺯ ﻭ
ﺗﺴﺮﻳﺐ ﻣﻌﻠﻮﻣﺎﺕ ﺗﺘﻌﻠﻖ ﺑﺤﺎﺩﺛﺔ ﻳﻔﺘﺮﺽ ﺍﻥ ﻻ ﻳﺘﻌﺮﻑ ﺍﻻﻋﻼﻡ ﻋﻠﻴﻬﺎ
ﺍﻻ ﺑﻌﺪ
ﺍﻟﻤﺼﺎﺩﻗﺔ ﻋﻠﻴﻬﺎ ﻣﻦ ﻗﺒﻞ ﺍﻻﺗﺤﺎﺩ ) .
• ﻣﺰﻣﻞ ﺍﺑﻮﺍﻟﻘﺎﺳﻢ ﻳﻘﻮﻝ ﺫﻟﻚ .
• ﻋﻠﻴﻜﻢ ﺍﻟﻠﻪ ﺧﺘﻮﺍ ﻟﻴﻜﻢ ﺍﻟﻒ ﻋﻼﻣﺔ ﺗﻌﺠﺐ .
•خاص صفحة الهلال عشقي الأبدي.
• ﻃﻴﺐ ﻳﺎ ﻣﺰﻣﻞ ﺍﻧﺖ ﻭﻗﺖ ﻛﻨﺖ ﺑﺘﻨﺸﺮ ﻣﻌﻠﻮﻣﺎﺕ ( ﻏﺎﻳﺔ ﻓﻲ
ﺍﻟﺴﺮﻳﺔ ) ﻣﻦ ﻣﻜﺎﺗﺐ
ﺍﻻﺗﺤﺎﺩ ﺍﻟﻌﺎﻡ ﻟﻤﺎﺫﺍ ﻛﻨﺖ ﺗﺴﻤﻰ ﺫﻟﻚ ( ﺳﺒﻖ ﺻﺤﻔﻲ )؟.
• ( ﺣﻮﺻﺔ ﺍﻟﺨﻄﻴﺮ ) ﻛﺎﻥ ﻗﺎﻋﺪ ﻳﺠﻴﺐ ﻣﻌﻠﻮﻣﺎﺗﻮ ﻣﻦ ﻭﻳﻦ؟ … ﻣﻦ
ﺍﻟﻤﻴﻨﺎﺀ ﺍﻟﺒﺮﻱ؟ .
• ﻭﻟﻤﺎﺫﺍ ﻫﻲ ﺷﻄﺎﺭﺓ ﻭﻓﻬﻠﻮﺓ ﻭﻣﻬﻨﻴﺔ ﻣﻨﻜﻢ ( ﻭﻛﻤﻞ ﻛﻤﻞ ﻳﺎ
ﻣﺰﻣﻞ ) ..ﻭﻋﻨﺪﻣﺎ ﺗﺄﺗﻲ
ﻣﻦ ﺻﺤﻒ ﺍﻟﻬﻼﻝ ﺑﺘﻘﻮﻟﻮﺍ ﻓﻲ ﺗﻨﺴﻴﻖ ﺑﻴﻦ ﺍﻟﺼﺤﻴﻔﺔ ﻭﺍﻻﺗﺤﺎﺩ .
• ﻫﻞ ﻛﺎﻥ ﻫﻨﺎﻙ ﺗﻨﺴﻴﻖ ﺑﻴﻨﻜﻢ ﻭﺍﻻﺗﺤﺎﺩ ﻓﻲ (ﺍﻳﻤﻴﻞ ) ﺳﺎﺩﻭﻣﺒﺎ؟.
• ﺍﻳﻤﻴﻞ ﺳﺎﺩﻭﻣﺒﺎ ﺍﺫﺍ ( ﺍﺗﻤﺴﺢ ) ﻓﻬﻮ ﺍﺗﻤﺴﺢ ﻓﻲ ﺑﺮﻳﺪ
ﺍﻻﺗﺤﺎﺩ .. ﻟﻢ ﻳﺘﻤﺴﺢ ﻓﻲ
ﺷﺎﺭﻉ ﺍﻟﺒﻠﺪﻳﺔ ﻭﻻ ﻓﻲ ﻣﻴﺪﺍﻥ ﺍﻟﻤﻮﻟﺪ ﺍﻟﻨﺒﻮﻱ ﺍﻟﺸﺮﻳﻒ ﻓﻲ ﺍﻟﺨﺮﻃﻮﻡ .
• ﻟﻘﺪ ﺍﺟﺘﻬﺪﺕ ﺍﻟﺼﺤﻴﻔﺔ ﻭﺗﺤﺼﻠﺖ ﻋﻠﻰ ﺍﻟﻤﻌﻠﻮﻣﺎﺕ ﻛﻤﺎ ﺗﺠﺘﻬﺪﻭﻥ
ﺍﻧﺘﻮﺍ ﻭﺗﺤﺼﻠﻮﻥ
ﻋﻠﻰ ﻣﻌﻠﻮﻣﺎﺕ ﺳﺮﻳﺔ ﻟﻠﻐﺎﻳﺔ .
• ﻣﺰﻣﻞ ﻗﺎﻝ ﺣﻜﺎﻡ ﺍﻟﺨﺮﻃﻮﻡ ﺑﻴﻈﻠﻤﻮﺍ ﺍﻟﻤﺮﻳﺦ …ﻋﺸﺎﻥ ﻛﺪﺍ ﺍﻣﺲ
ﺟﺎﺑﻮﺍ ﻟﻴﻬﻢ ﺣﻜﻢ ﻣﻦ ﻧﻴﺎﻻ .
• ﻭﺍﻟﻤﺒﺎﺭﺍﺓ ﺍﻟﻘﺎﺩﻣﺔ ﻟﻠﻤﺮﻳﺦ ﺡ ﻳﻜﻮﻥ ﺍﻟﺤﻜﻢ ﻣﻦ ﺍﻟﻘﻀﺎﺭﻑ .
• ﺍﻧﺘﻮﺍ ﺗﻄﻠﺒﻮﺍ ﺑﺲ.
• ﺍﻻﺗﺤﺎﺩ ﺍﻟﻌﺎﻡ ﻃﺒﻌﺎ ﺑﻴﺪﻳﺮﻩ ﺟﻤﺎﻝ ﺍﻟﻮﺍﻟﻲ .
• ﺍﻟﻤﺮﻳﺦ ﻣﺎ ﻋﺎﻭﺯ ﺷﺮﻃﺔ …ﺍﻟﺸﺮﻃﺔ ﻛﻠﻬﺎ ﺗﻄﻠﻊ ﻣﻦ ﺍﻟﻤﻠﻌﺐ .
• ﻣﺎ ﻋﺎﻭﺯﻳﻦ ﺣﻜﺎﻡ ﻣﻦ ﺍﻟﺨﺮﻃﻮﻡ ﻳﺠﻴﺒﻮﺍ ﻟﻴﻬﻢ ﺣﻜﺎﻡ ﻣﻦ ﺍﻟﻮﻻﻳﺎﺕ.
• ﻭﻣﺎ ﺑﻌﻴﺪ ﻳﻘﻮﻟﻮﺍ ﺟﻴﺒﻮﺍ ﻟﻴﻨﺎ ﺣﻜﺎﻡ ﻣﻦ ( ﺩﺍﺋﺮﺓ ﺍﻟﻜﻮﺭﺓ ﺑﺘﺎﻋﺔ
ﺍﻟﻤﺮﻳﺦ ) .
• ﻳﻌﻨﻲ ﻳﻤﻜﻦ ﺣﺴﻦ ﻳﻮﺳﻒ ﻳﺤﻜﻢ ﻣﺒﺎﺭﻳﺎﺕ ﺍﻟﻤﺮﻳﺦ ﺍﻟﻘﺎﺩﻣﺔ .. ﻣﻊ
ﻣﺼﻄﻔﻰ ﺗﻮﻓﻴﻖ ﻭﺻﺪﻳﻖ
ﻋﻠﻲ ﺻﺎﻟﺢ ﻛﺮﺟﺎﻝ ﺧﻄﻮﻁ.
• ﺑﻜﺮﻱ ﻳﻮﻗﻔﻮ ﺍﻻﺗﺤﺎﺩ … ﺍﻻﺗﺤﺎﺩ ﻳﺮﺟﻊ ﺑﻌﺪ ﺍﻗﻞ ﻣﻦ (24 ) ﺳﺎﻋﺔ
ﻭﻳﺮﺟﻌﻮ ﺗﺎﻧﻲ.
• ﻭﻳﻘﻮﻟﻮﺍ ﻟﻴﻚ ﻓﻲ ﺿﺮﺑﺎﺕ ﺟﺰﺍﺀ ﻟﻢ ﻳﺤﺘﺴﺒﻬﺎ ﺍﻟﺤﻜﻢ ﻟﻠﻤﺮﻳﺦ.
• ﺍﻧﺘﻮﺍ (ﺍﻟﺒﻮﻧﻴﺔ ) ﻣﺎ ﺑﺘﺤﺴﺒﻮﻫﺎ .
• ﻋﻠﻴﻜﻢ ﺍﻟﻠﻪ ﻟﻮ ﺣﻜﻢ ﻧﻴﺎﻻ ﺍﻣﺲ ﻗﺎﻡ ﺑﻄﺮﺩ ( ﺿﻔﺮ ) ﻛﺎﻥ ﻓﺮﻳﻖ
ﺍﻟﻤﺮﻳﺦ ﻧﺺ ﺩﺳﺘﺔ
ﻣﺮﻗﺘﻮ ﻣﻦ ﺍﻻﻣﻞ ﻋﻄﺒﺮﺓ.
• ﺑﻲ ﺻﺮﺍﺣﺔ ﻛﺪﺍ.
• ﻭﺑﻲ ﺍﻣﺎﻧﺔ ﺷﺪﻳﺪﺓ … ( ﺍﻟﺨﺮﻓﺎﻥ ) ﺑﻘﺖ ﻣﺎ ﺑﺘﺠﻴﺐ ﺣﺎﺟﺔ .
• ﺍﻟﻈﺎﻫﺮ ﻋﻠﻴﻬﺎ ﻓﻜﺖ.
• ﺷﻮﻓﻮﺍ ﻟﻴﻜﻢ ( ﻗﻄﺮ ) ﺍﺿﺒﺤﻮﻩ ..ﻳﻤﻜﻦ ﺗﺴﺘﻌﺪﻟﻮﺍ.
• .……………
ﻭ
• ﺑﻜﺮﻱ ﺍﻟﻤﺪﻳﻨﺔ … ( ﺑﺠﺮﻱ ﺍﻟﻤﺪﻳﻨﺔ ) ﺑﻘﻰ ﻣﻮﻫﺒﺔ ﻋﻨﺪ ﻣﺰﻣﻞ
ﺍﺑﻮﺍﻟﻘﺎﺳﻢ .
• ﻣﻮﻫﺒﺔ ﻣﻦ ﻣﺘﻴﻦ ﺩﻱ؟ .
• ﻳﻌﻨﻲ ﻟﻮ ﺟﺎﻛﻢ ﻛﺎﺭﻳﻜﺎ ﺍﻭ ﻧﺰﺍﺭ ﺣﺎﻣﺪ ﻓﻲ ﺍﻟﻤﺮﻳﺦ … ﻣﻤﻜﻦ
ﺗﻀﺒﺤﻮﺍ ﻟﻴﻬﻢ ﻋﻠﻰ ﺭﺃﺱ ﺍﻟﺴﺎﻋﺔ.
• ﺑﻜﺮﻱ ﻣﻮﻫﻮﺏ ﻓﻲ (ﺍﻟﺒﻮﻧﻴﺔ ) .
• ﻣﻮﻫﻮﺏ ﻓﻲ ( ﺍﻟﻜﺸﺎﻓﺎﺕ ).
• ﻭﻟﻮ ﺍﻻﺗﺤﺎﺩ ﺍﻟﻌﺎﻡ ﻟﻜﻮﺭﺓ ﺍﻟﻘﺪﻡ ﻣﺎ ﺑﻤﻠﻚ ﻗﺮﺍﺭﻩ …ﺍﻟﻘﺮﺍﺭ ﺳﻮﻑ
ﻳﺄﺗﻲ ﻣﻦ ( ﺍﻟﻔﻴﻔﺎ ).
• ﺗﺮﻗﺒﻮﺍ ﻗﺮﺍﺭ ﺍﻟﻔﻴﻔﺎ ﻗﺮﻳﺒﺎ.
• ﺍﻫﺎ ﻗﺮﺍﺭ ﺍﻟﻔﻴﻔﺎ ﺍﻟﺒﻔﻜﻮ ﻣﻨﻮ؟.
• ﺧﻠﻮﺍ ﺟﻤﺎﻝ ﺍﻟﻮﺍﻟﻲ ﻳﻀﺮﺏ ﻟﻲ ﺑﻼﺗﺮ .
• ﺍﻟﻔﻴﻔﺎ ﻗﺮﺍﺭﻫﺎ ﻣﺎ ﺑﻌﻴﺪ .
• ..………
• ﺍﻟﺴﻴﺪﺓ ( ﻝ ) ﺍﻟﺠﻤﺎﻋﺔ ﺩﻳﻞ ﻋﻨﺪﻫﻢ ﺭﺃﻱ ﻭﺍﺿﺢ ﻓﻲ (ﺍﻟﻘﺮﻉ ) …
ﻭﻓﻲ ﻓﺼﻞ ( 17 ) ﻋﻀﻮ
ﻣﻦ ﻗﻴﺎﺩﺍﺕ ﺍﻻﺗﺤﺎﺩﻱ ﻣﻦ ﺍﻟﺤﺰﺏ.
الثلاثاء نوفمبر 14, 2017 4:47 pm من طرف مدريدي
اليومية
