جانب من التراث

[size=24]لمشلعيب : كان له فى زمانه خطوة كبيرة وموقع فى داخل البيت لايمكن تجاهله وهو بمثابة الثلاجة .
أداة مصنوع من سعف النخيل فى شكل بيضاوى يعلق على سقف المطبخ أو ( التكل ) أو الراكوبة بواسطة ثلاثة الى اربعة حبال وتعقد فى شكل سبكة وتعلق فى السقف ويستخدم لحفظ الماكولات والألبان وهو بمثابة حماية لها من الكلاب والقطط والحشرات وحفظاً لها من دخول الجراثيم [/size]

[size=24]البنابر [/size]

[size=24]السحارة[/size]

[size=24]المفاريك جمع مفراكه[/size]

[size=24]البرش[/size]

[size=24]سجادة صلاة[/size]

[size=24]البخسة[/size]

الشيـــــــــخ سيـــــــــرو

غناء عبد الكريم الكابلي واخرون

النصيح جديدو
البريد الشيخ
أنا يا ناس بريدو

غنت ليك السرارا
ود العز والقهارا
ود البدقو النقارا
عينك حمرا وشرارا
حاجبك فيه انصرارا
قلبك فيهو المرارا
صدرك فيه انكرارا
دخل البقعه جالا
وكمل قماش النصارا

غنت ليك أم ضمير
قالت الشيخ وارث كثير
تلات ألاف صنف البقير
تلات ألاف صنف البعير
تلات ألاف درجن صغير
تلات ألاف وردن حفير
تلات ألاف فوق في المقيل
تلات ألاف شايلات حرير
لاك عمدة ولاك مدير
دا الفتح المن الكبير

غنت ليك أم رسا
للعريان طبق الكسا
تلا أرادب عشا
تلا أرادب عشا
متحكر لعبادة العشا
عبدالكريم ترك النسا
يا ولادة الصفا
العتق الدم بالعصا

اخـــــــوي الما بنقدر .... سيل الوادي المنحدر

احد المغنيين لها مبارك حسن بركات

اسدا" جاكُم حايم
صاحي ما بتلقوه نايم
شادى الخيل أمات لجايم
أسد الخشش أب قوايم
هاشك فوق أم تمايم

النيل العم التراسه
البليغ من غير دراسه
خاتنلوا النظاره وراسه
شدوا ليه على أب جراسه
وقفل أبواب الفراسه

يا عازل هوي إنقرع
ده الأصل والناس فرع
الوافر ما بنضرع
سيفه وكتين ينشرع
بياخد الزول والدرع

ما شفت أخوك يا أم سماحه
العاصيات كسر جماحه
عينه للبعيد لماحه
الخيل الشبكن رماحه
شافنه وصدن قماحه

مـــــا تهـــــمــــوك بنمــــــيمــــه
بتكفى ضيفـــــان الهـــــجـــيمه
سيد بت فرج وسيد حليمه
القصدوا التار رضوا بالهزيمة

[size=32]السيل بوبا[/size]

غير خالد ماليك تنين عرش دود الأربعين
السيل بوبا يا الفوتك مو دحين

تغني ليك أم هاني
ويشهدو أهل المعاني
نضيفا خاتي ريحة الشاني
كتل ديلاك خبرو جاني

يا القمره الماك شهير
يا الرأسى الماك صغير
أبوك بساطى القبيل
تبراهو الشعبه والجنزير

خت كرسيه للعديل
وكورك قال يا غفير
سيفه بدلي الجفير
العاداك وين يطير
شقيا صادف نكير

شدلوا ليك في أم سبيب
كشفن ليك أمات وضيب
القاصدنو منك ما بخيب
والف الشمس قبال تغيب

تغنى ليك ظبية الحدر
ما بتبلع من اصلو مر
المكنه فوقو بتكاكى
والمدفع تحتو بيخر
لا بيخاف ولا بيتر
قدام العينهم خدر

[size=32]..الجنيات يابغاره..

الجنيات يا بغاره شدو خيلهم للمغاره

أخوى ما برضى الحقاره
هزّ وعرض في النقاره
في العركه الحلقن صقاره
كتل القوم يتم صغاره

يا الجنيات يا الربحتو
كيف امسيتو وصبحتو
سيف أخوى في لفحتو
بشيل الرأس بى صفحتو

عاجبنى وشكره جبتو
ما بخون جارتو وقريبتو
يا ناس بوريكم عجيبتو
للضيفان بضبح وجيبتو

داك كوراك في الحرازه
مرقو الناس للبرازه
أخوك يا جدية العزازه
سام الروح والشكره حازه

يوم العركه الفى سماحه
اشتبكو سيوفها ورماحها
برز اخوك يا أم سماحه
والخيل صداهن قماحه

أب قلبا فيه الحراره
أب عينا حمرا وشراره
يدخل الحاره ويطفئ ناره
ويشبع الصقار مراره[/size]

[size=32]أنا ليهم بجر كلام

وشاعرتها هي زينب بنت عبدالرحمن من منطقة أم مغد ولقد قالت هذه القصيدة في إخوانها

أنا ليهم بجر كلام دخلوها وصقيرها حام
************
سم أب درق البصقع جدري القيعه البفقع
والله صوتك مانع بردع الطيب في شطارتو مبدع
**********
سم أب درق الجدادى تكل الجدري البعادى
للخصيم ضربو بياذى موسى المر الحجازي
**********
قرقر ملى للوسادة برنو وشال لي مكاده
ديل جنيات الندادة سيدي الدار في السياده
**********
قرقر فوق للدرب وربط الهوى والشرق
كدي مابزولنا الضرب ديل جنياتنا ما بتنغلب
*********
والله عامر سوقك مبدر مجرجر توبك مسبل
الطيب للشر مبدر مو التكل المجدر
*********
أنا نميت جبتا قلبو فشلو القالوا قصو دربو
ديل رازوهو وشافوا ضربوا دق السنداله قلبو
*********
وعبدالدائم شقا سيرو من ولدوهو الشكره هيلو
الخصيم ما بكيلوا صوتوا بهجل قبيلو
**********
عبدالدائم معاه اخوانو طافو البلاء في مكانو
خصماه قنعوا قامو الصف الواقف قدامو هو مستعد للطامو
**************
أنا نميت جبت غناكم يا الزينين هوى براكم
البدوركم تراكم حلق الطير لي غداكم
الصف العامر رجاكم
اتباشروا لي بلاكم واركزو زينب وراكم
**********
جروا لي مره صوتكم ويروني الليله صوتكم
اتباشرو الله فوقكم[/size]

[size=32]الآلاف درجن

كلمات / رقية بنت مسمار

الآلاف درجن ولدا نجيض ماك ني
البجرجر فى ام صقير وحدي
********
غنى وشكري يا اختو يا ريا
تمساح الكوانى الضارب الليه
سمعنالن خبرا في الهلالية
خمستاشر جواد سكن سبعمائة
*******
من قومة الجهل ما خوفوك باخ
تور بقر الجواميس الرقادن لخ
نقرولو أم هبك الضربخانه يدخ
قرنك بفتح الهامه وبمرق المخ
*******
أنا قولي ليك صحيح
ياركاب على شلق بنات الريح
ياجدرى النزيله الدم كرف في القيح
ادر صاقعة التلوي المقابله السيح
*******
ما بحركو الكشكيش
والقلب ان رجف ما بنفع الحريش
الجنيات براك في الحلة آفة عيش
ود المقدره البيعزم على المافيش[/size]

[size=32]مهرك الجماح[/size]

[size=32]شدوا لك ركب فوق مهرك الجماح [/size]
[size=32]ضرغام الرجال الفارس الجحجاح [/size]
[size=32]السم النقوع الفى البدن نتاااااح[/size]
[size=32]تمساح الدميرة الما بيصده سلاح [/size]
[size=32]المال ما بيهمك إن كتر وإن راح [/size]
[size=32]*** [/size]
[size=32]بطناً جابتك والله ما بتندم [/size]
[size=32]ويا أسد الكداد الفي خلاك رزم [/size]
[size=32]ويا رعد الخريف الفوق سماك دمدم [/size]
[size=32]*** [/size]
[size=32]بابك ما انقفل ونارك تجيب اللم [/size]
[size=32]وما بتحلف تقول غير استريح حرم [/size]
[size=32]*** [/size]
[size=32]أبواتك قبييييل بيسدوا للعوجات [/size]
[size=32]ومطمورتك تكيل للخالة والعمات [/size]
[size=32]وفي الجود والكرم إيديك دوام بارزات [/size]
[size=32]ويا أب قلباً حديد في الحوبة ما بتنفات [/size]
[size=32]*** [/size]
[size=32]عينيك يالصقر في الحارة ما بتنوم [/size]
[size=32]صدرك لي الصعاب دايما بعرف العوم [/size]
[size=32]لا بتنلام ولا بتعرف تجيب الللوم [/size]
[size=32]في وسط الفريق للفارغة ما بتحوم [/size]
[size=32]ود ناسا عزاز جمعوا المكارم كوم [/size]
[size=32]تفخر بيك بنات البادية والخرطوم[/size]

» من التراث السوداني
» بالصور جانب من العمل الشبابي قرية نجرو